Që prej marrjes së drejtimit të Kombëtares, trajneri Silvinjo ka krijuar një bërthamë të qëndrueshme lojtarësh. Në portë qëndron Thomas Strakosha me 20 ndeshje, ndërsa mbrojtja përbëhet nga Hysaj (16), Gjimshiti (16), Ismajli (15) dhe Mitaj (23), ky i fundit i pazëvendësueshëm në të majtë.
Mesfusha drejtohet nga Kristjan Asllani me 26 paraqitje, lojtari më i përdorur në epokën Silvinjo, i mbështetur nga Ylber Ramadani (22) dhe Qazim Laçi (20).
Në sulm, Bajrami (25) dhe Asani (23) janë dy nga më produktivët, ndërsa Uzuni me 14 ndeshje plotëson ofensivën.
Ky formacion përfaqëson emrat më të besuar të Silvinjos në përballjet më të forta të Kombëtares shqiptare.
