Gjatë natës Rusia ka sulmuar me dronë Kievin dhe raportohen 15 të vrarë dhe 75 të plagosur. Presidenti ukrainas, Volodymyr Zelensky ka reaguar në rrjete sociale dhe shprehet se sulme të tilla janë terrorizëm i pastër.
“Sulme të tilla janë terrorizëm i pastër dhe bota duhet të reagojë në përputhje me rrethanat. Pala ukrainase është në kontakt me të gjithë partnerët për të siguruar një përgjigje të përshtatshme”, tha Zelensky.
Ai shtoi se ky ishte një nga sulmet më të tmerrshme në Kiev. Zelensky tha se ekpiet e shpëtimit po punojnë në vendin e goditjes dhe se të plagosurit po marrin ndihmën e nevojshme.
