Në një operacion të koduar “Cold Hand”, policia në Pogradec ka arrestuar një person me precedentë penalë, i cili dyshohet për trafikim të lëndëve narkotike dhe armëmbajtje pa leje.
Gjatë kontrollit të banesës dhe automjetit të tij u sekuestruan kokainë, dy armë zjarri me municion, një shkop metalik, telefona celularë, para dhe një automjet.
I arrestuari, 27 vjeç Fatmir Muçollari është dërguar në Prokurorinë e Korçës për veprat penale të lidhura me prodhimin dhe shitjen e drogës, si dhe mbajtjen pa leje të armëve.
