Jorida Tabaku, kryetare e Komisionit për Çështjet Europiane, e ka cilësuar raportin e Komisionit Europian mbi Sundimin e Ligjit si një goditje për qeverinë shqiptare, duke theksuar se ai nxjerr në pah sulmet ndaj SPAK dhe reagimet e paprecedentë të qeverisë dhe legjislativit ndaj gjyqësorit.
Ajo ka paralajmëruar se Shqipëria mund të bëjë hapa pas në procesin e integrimit nëse nuk respektohen standardet europiane për zgjedhjet. Tabaku nënvizoi se procesi i hapjes dhe mbylljes së kapitujve për integrimin është një sfidë, dhe se zgjedhjet e 11 majit duhet të kenë transparencë të plotë.
Në lidhje me denoncimin e procesit zgjedhor të 11 majit, Tabaku u shpreh se PD do të vazhdojë të kërkojë mbështetje ndërkombëtare dhe të ngritë shqetësimet për shkeljet e mundshme, duke pritur një mision vlerësues nga Partitë Popullore Europiane për të hetuar situatën.
