Agjencia e Ushqimit dhe Veterinarisë në Kosovë ka bërë një apel urgjent për fermerët që të ndjekin disa masa të rëndësishme për parandalimin e përhapjes së murtajës.
Fermerët paralajmërohen të shmangin kontaktin e drejtpërdrejtë të deleve dhe dhive me kafshë që vijnë nga Shqipëria dhe të monitorojnë vazhdimisht gjendjen e kafshëve të tyre.
Nëse vërehen shenja të dyshimta si ethe të larta, plagë në gojë, hundë ose sy që rrjedhin, apo dobësi e përgjithshme, ata duhet menjëherë të raportojnë tek veterineri zyrtar.
Po ashtu, nuk duhet lejuar futja e kafshëve të reja në tufat ekzistuese pa kontrollin e duhur veterinare.
“Nga zbatimi i këtyre masave varet shëndeti i tufave tuaja dhe parandalimi i përhapjes së sëmundjes në Kosovë,” thotë Agjencia e Ushqimit dhe Veterinarisë.
Fermerët apelohet të tregohen vigjilentë dhe të bashkëpunojnë me autoritetet për të mbrojtur industrinë e tyre bujqësore.
