Kryeministri i Mbretërisë së Bashkuar, Keir Starmer i ka kërkuar presidentit amerikan, Donald Trump të tërhiqet nga veprimet ushtarake kundër Iranit.
Starmer thotë se ekzistonte një “rrezik real përshkallëzimi” në konflikt, duke i nxitur të gjitha palët të kërkonin një zgjidhje diplomatike.
Ai thotë se më parë ka pasur “disa raunde diskutimesh me SHBA-në” dhe “kjo, për mua, është mënyra për të zgjidhur këtë çështje”.
Ndërkohë mbrëmjen e sotme, sekretari i Jashtëm, David Lammy dhe sekretari i Shtetit të SHBA-së Marco Rubio do të diskutojnë në lidhje me situatën në Lindjen e Mesme.
