Policia ka goditur një rast të kultivimit të drogës në fshatin Lekaj, Kavajë. Pas një hetimi njëmujor, u arrestuan Durim Mema, 59 vjeç, dhe Armend Hoxha, 36 vjeç, pasi u kapën në flagrancë me rreth 1200 bimë kanabisi të mbjella në tetë parcela pranë depos së ujit.
Gjatë operacionit “Lekaj”, policia sekuestroi 20 mijë euro, 1 mijë fara kanabisi, një armë sportive dhe municion. Dy persona të tjerë janë shpallur në kërkim.
Hetimet vijojnë për zbardhjen e plotë të rastit.
