Shtetet e Bashkuara kanë ndërmarrë sulme ajrore ndaj tre objekteve kryesore bërthamore në Iran, duke i cilësuar ato si një hap vendimtar për ndalimin e programit bërthamor iranian.
Sekretari amerikan i Mbrojtjes, Pete Hegseth, tha se Presidenti Trump ka qenë i vendosur prej vitesh që Irani të mos zhvillojë armë bërthamore. “Falë këtij veprimi, ambiciet bërthamore të Iranit janë zhdukur”, deklaroi ai.
Hegseth përshkroi ndërhyrjen si një operacion të guximshëm që vetëm SHBA mund ta realizojë, duke shtuar se qëllimi nuk është lufta, por paqja – dhe tani është koha që Irani ta zgjedhë atë rrugë.
