Presidentja e Komisionit Evropian, Ursula von der Leyen ka reaguar pas sulmeve ajrore të SHBA ndaj Iranit. Von der Leyen me anë të një postimi në platformën X thotë se Irani nuk duhet ta ketë kurrë bombën bërthamore.
“Irani nuk duhet të ketë kurrë bombën bërthamore. Me tensionet në Lindjen e Mesme në një kulm të ri, stabiliteti duhet të jetë përparësi, ashtu si respekti për të drejtën ndërkombëtare është thelbësor”, shprehet ajo.
Më pas bën thirrje që Irani të kthehet në tavolinën e negociatave për ti dhënë fund luftës.
“Tani është momenti që Irani të angazhohet në një zgjidhje diplomatike të besueshme. Tavolina e negociatave është i vetmi vend për t’i dhënë fund kësaj krize”, shkruan von der Leyen.
