Klodian Duro ka firmosur me Lirinë në Kosovë. Ky lajm është konfirmuar nga klubi i Ligës së Parë.
“Një emër me peshë në futbollin shqiptar vjen në stolin tonë! Klodian Duro, ish-mesfushori legjendar i Kombëtares shqiptare, me një karrierë të pasur si lojtar në Shqipëri, Turqi, Gjermani, Qipro dhe Austri, tani sjell përvojën e tij si trajner në Prizren.
Pas eksperiencave si trajner te Kukësi, Feronikeli dhe Gjilani, Duro vjen te Liria me vizionin për ta ngritur skuadrën aty ku e meriton”, thuhet në njoftimin e klubit.
