Sekretari i Përgjithshëm i NATO-s, Mark Rutte përpara një samiti në Hagë u shpreh se Irani nuk duhet të zhvillojë armë bërthamore.
“Kur bëhet fjalë për qëndrimin e NATO-s ndaj programit bërthamor të Iranit, aleatët kanë rënë dakord prej kohësh që Irani nuk duhet të zhvillojë një armë bërthamore”, thotë ai.
“Aleatët i kanë kërkuar vazhdimisht Iranit të përmbushë detyrimet e tij sipas traktatit të mospërhapjes së armëve bërthamore.”, shtoi Rutte.
Duke iu referuar luftës së Rusisë në Ukrainë, ai shton se Irani është “shumë i përfshirë” atje, duke thënë se Irani ka dërguar dronë që Rusia po i përdor për të vrarë civilë ukrainas.
