Presidenti i Iranit, Masoud Pezeshkian, ka deklaruar se Irani do të respektojë armëpushimin e shpallur nga presidenti amerikan Donald Trump, por vetëm nëse edhe Izraeli zbaton të njëjtin angazhim. Lajmi u bë i ditur nga agjencia shtetërore iraniane IRNA.
“Nëse Izraeli nuk e shkel armëpushimin, as Irani nuk do ta shkelë,” tha Pezeshkian gjatë një bisede telefonike me Kryeministrin e Malajzisë, Anwar Ibrahim.
Ai shtoi se populli iranian mbetet i bashkuar përballë çdo agresioni: “Pavarësisht vështirësive, Irani do të qëndrojë i vendosur kundër pushtimit të armikut deri në fund.”
