Gjykata e Apelit në Tiranë ka vendosur të prishë vendimin e Gjykatës së Korçës për çështjen e vrasjes së Martin Çeços dhe të kthejë dosjen për rigjykim në Shkallën e Parë, me një trupë të re gjyqtarësh.
Vendimi i Apelit u mor më 24 qershor 2025 dhe rrëzon dënimin prej 83 vitesh burg të dhënë në total për katër të pandehurit: Valter dhe Edlir Mollaj, Martina Pajollari dhe Blendi Angjo, të dënuar për “vrasje me paramendim”.
Ngjarja ndodhi në qershor 2022, kur trupi i 26-vjeçarit u gjet në një rezervuar në fshatin Kolanec, Maliq.
Ndërkohë, familja e viktimës ka pranuar vendimin për rigjykim, duke kërkuar drejtësi të plotë për humbjen e djalit të tyre.
