Policia e Vlorës ka dhënë detajet e para për shpërthimin që ndodhi mbrëmjen e djeshme në lagjen “Bashkimi”. Tritoli u vendos në dritaren e një servisi motorësh në pronësi të V. B.
“Rreth orës 23:00, në lagjen “Bashkimi”, në dritaren e një servisi motorësh, në pronësi të shtetasit V. B., ka shpërthyer një sasi lënde e dyshuar plasëse, ku si pasojë janë shkaktuar vetëm dëme të vogla materiale.
Në vendngjarje ndodhet grupi hetimor, i cili vijon punën për zbardhjen e rrethanave të ngjarjes dhe identifikimin e autorit/ëve të dyshuar” njofton policia.
