Në Kuvend, opozita ka kërkuar miratimin e kandidaturës për Avokatin e Popullit, Besim Ndregjoni, duke theksuar se ky post ka mbetur vakant për një vit. Sali Berisha, gjatë seancës, e cilësoi të papranueshme shtyrjen e procesit për shkak të refuzimit të kandidaturës së opozitës nga mazhoranca.
Berisha argumentoi se Ndregjoni plotëson të gjitha kriteret e nevojshme për këtë detyrë dhe se është koha që Kuvendi të votojë për të, duke mbyllur një çështje që ka vonuar për arsye politike. Ai e akuzoi mazhorancën për tentativën për të imponuar kandidatura të cilat nuk përputhen me kriteret dhe theksoi se ky post duhet të plotësohet sa më shpejt.
“Avokati i Popullit është një institucion që kërkon drejtuesin e tij, dhe Ndregjoni është kandidatura e duhur për këtë pozita,” u shpreh Berisha.
