Gjermania po harton një ligj të ri për shërbimin ushtarak, i cili parashikon kushte më të mira për ushtarët dhe një sistem të ri rekrutimi. Sipas ministrit të Mbrojtjes, Boris Pistorius, shërbimi do të jetë fillimisht vullnetar, por mund të bëhet i detyrueshëm nëse nuk sigurohet numri i nevojshëm i ushtarëve.
Projektligji synon të përmbushë nevojën për rreth 60,000 ushtarë të rinj në Bundeswehr dhe të tërheqë të rinjtë drejt forcave të armatosura. Kjo qasje mbështetet edhe nga CDU/CSU, që janë pjesë e koalicionit qeverisës.
