Deputetja Ina Zhupa e Partisë Demokratike, në seancën e sotme plenare në Kuvend, ka akuzuar Partinë Socialiste dhe ministrin Taulant Balla për manipulimin e zgjedhjeve të 11 majit, duke përdorur listat e diasporës për të dërguar mesazhe të personalizuara.
Zhupa theksoi se PD ka informuar autoritetet ndërkombëtare dhe ka provuar me dokumente se në Shqipëri nuk janë mbajtur zgjedhje të lira, por ka pasur një shtet elektoral që ka shpërndarë çdo mundësi elektorale. Ajo gjithashtu akuzoi qeverinë se ka përdorur të dhënat personale të qytetarëve për patronazhim dhe ka monopolizuar informacionin gjatë fushatës.
