Një ngjarje e rëndë ka ndodhur këtë mesditë në bregdetin e Zvërnecit, Vlorë, ku një turist italian ka humbur jetën.
Viktima është identifikuar si G. P., 87 vjeç, i cili kishte zgjedhur bregdetin shqiptar për pushimet verore. Sipas njoftimit zyrtar nga Policia e Vlorës, ngjarja ndodhi rreth orës 13:30 dhe dyshohet se shkaku i vdekjes ka qenë një arrest kardiak.
Në vendngjarje kanë mbërritur menjëherë grupi hetimor dhe eksperti mjeko-ligjor për të përcaktuar shkaqet e sakta të ndarjes nga jeta të të moshuarit, ndërsa autoritetet po vijojnë hetimet për zbardhjen e plotë të ngjarjes.
