Portieri Gentian Selmani ka zyrtarizuar largimin nga Tirana pas dy sezonesh. Në një postim në rrjetet sociale, ai falënderoi klubin, drejtuesit, trajnerët dhe tifozët për mbështetjen dhe për kohën e kaluar së bashku.
“E kam gjithmonë në zemër këtë klub”, shkruan ndër të tjera Selmani, duke i uruar sukses Tiranës në të ardhmen.
E ardhmja e tij duket se do të jetë në Durrës, pasi burime pranë klubit konfirmojnë se Selmani ka arritur një marrëveshje me Teutën dhe pritet të prezantohet zyrtarisht së shpejti.
