Moti i përkeqësuar në jug të Shqipërisë, me erë të fortë dhe dallgë të larta, ka krijuar rrezik mbytjeje në det.
Policia kufitare e Vlorës dhe Himarës ka paralajmëruar turistët që të mos dalin me mjete lundruese, veçanërisht ato të vogla.
Mesditën e sotme, një çift nga Tirana u shpëtua nga policia pas qëndrimit të tyre larg bregut për shkak të dallgëve të larta dhe erës së fortë.
Punonjësit e policisë kufitare kanë rrezikuar jetën gjatë operacionit shpëtues.
Raste të tjera kërkese për ndihmë janë regjistruar përgjatë vijës bregdetare të Himarës.
