Thomas Barrack, ambasadori i SHBA-së në Turqi dhe i dërguar special për Siri, tha se tensionet e fundit midis Iranit dhe Izraelit mund të krijojnë një “rrugë të re” për stabilitet në Lindjen e Mesme.
Ai theksoi rëndësinë e bisedimeve të fshehta mes Sirisë dhe Izraelit, duke nënvizuar rolin kyç të Ankarasë në këtë proces.
Barrack bëri thirrje për shfrytëzimin e kësaj mundësie për ndërtimin e paqes dhe theksoi se Siria dhe Libani duhet të arrijnë marrëveshje me Izraelin për një të ardhme paqësore në rajon.
