Është hapur sot seanca e parë gjyqësore për çështjen “Partizani”, ku akuzohen Sali Berisha, dhëndri i tij Jamarbër Malltezi dhe tre persona të tjerë, për korrupsion dhe pastrim parash.
Berisha nuk u paraqit në gjykatë. Në sallë ishin vetëm Malltezi dhe Xhimi Begeja. Nga Prokuroria ishte prokurori Arben Kraja, ndërsa Enkelejda Millonai mungoi për arsye shëndetësore.
Gjyqtarja Elsa Ulliri pyeti Malltezin nëse Berisha ishte njoftuar për seancën. Ai tha se nuk kishte informacion për këtë.
Seanca u shty, dhe pritet që gjyqi të vijojë në datat në vijim.
