Presidenti i SHBA-ve, Donald Trump do të presë kryeministrin izraelit Benjamin Netanyahu në Shtëpinë e Bardhë të hënën, më 7 korrik, raportoi sot faqja amerikane e lajmeve Axios.
Njoftimi erdhi një ditë pasi presidenti amerikan bëri thirrje për t’i dhënë fund luftës në Gaza, e cila ka nisur që prej 20 muajsh.
Një këshilltar i kryeministrit izraelit Benjamin Netanyahu pritet të shkojë në Shtëpinë e Bardhë për bisedime lidhur me arritjen e një armëpushimi, Iranin dhe mundësinë e përfundimit të marrëveshjeve diplomatike midis Izraelit dhe vendeve të rajonit.
