Rinumërimi i kutive të votimit në Fier po vazhdon me ritme të mira në pallatin e sportit “Farie Hoti”. Deri tani janë numëruar 80 nga gjithsej 587 kuti, dhe momentalisht po rinumërohen votat e qytetit të Lushnjes.
Rezultatet kanë pësuar disa ndryshime: PD-ASHM ka humbur 18 vota, PS ka humbur 2, Nisma Shqipëria Bëhet ka humbur 6 vota, ndërsa Demokracia e Re ka fituar 2 vota.
Nisma Shqipëria Bëhet ka kërkuar një mandat, por mundësitë për ta arritur janë të pakta, pasi nevojiten 500 vota.
