Ditën e sotme një masiv me pisha është përfshirë nga flakët në Elbasan. Si pasojë po rrezikohen edhe banesat dhe resorti turistik që ndodhet afër Mengëlit, pasi flakët janë shpërndarë me shpejtësi.
Menjëherë në ndihmë kanë shkuar forcat zjarrfikëse të Elbasanit, si dhe mjete e punonjës nga stacioni zjarrfikës i bashkisë Librazhd.
Ndërkohë autoritetet u bëjnë thirrje banorëve që të tregojnë kujdes dhe të shmangin qëndrimin pranë zonës së zjarrit.
