Kandidatja e Partisë Socialiste për qarkun e Fierit, Maldrita Bardho me anë të një postimi shprehet se nuk pranon mandatin e saj për deputete në Kuvend.
Bardho shprehet se do vijojë që të japë kontributin e saj për Partinë Socialiste dhe për Lushnjen. Gjithashtu ajo thotë se ka vendosur që vendin e saj t’ia lëjë Zegjine Çaushit.
“Do t’i lë me shumë kënaqësi vendin tim, koleges dhe mikes time, Zegjine Çaushi, Zegjinesë që ka luftuar ndoshta më shumë për skuadrën se sa për veten këtë fushatë, duke u vënë në shenjestër të sulmeve të pamerituara nga politika e vjeter, nga politika e përbaltjes që ka frikë nga zërat e rinj, Zegjinesë nga e cila sot më ndajnë vetëm 10 vota dhe që padyshim e meriton të jetë në sallën e Kuvendit, për të përfaqësuar të rinjtë, sidomos vajzat.”, shprehet Bardho.
