Gjykata e Durrësit ka vendosur pezullimin nga detyra të drejtorit të Arsimit Parauniversitar, Hazbi Lika, i dyshuar për shpërdorim detyre.
Vendimi është pjesë e hetimeve të nisura ndaj tij, ndërsa autoritetet vijojnë punën për të zbardhur rrethanat dhe përgjegjësitë e mundshme në këtë çështje.
Lika u emërua në krye të këtij institucioni në maj të vitit 2022, duke zëvendësuar juristen Ana Dhamo.
Aktualisht, hetimet janë në vijim dhe pritet të qartësohen nëse ka pasur shkelje në ushtrimin e funksioneve të tij.
