Gjykata e Durrësit ka vendosur të mbajë në fuqi masën “pezullimi i ushtrimit të një detyre a shërbimi publik” ndaj drejtorit të Drejtorisë Rajonale të Arsimit Parauniversitar në Durrës, Hazbi Lika.
Ai është nën hetim për veprën penale të “Shpërdorim detyre”. Sipas vendimit, pezullimi nga detyra e Hazbi Lika konsiderohet i domosdoshëm për mbarëvajtjen e hetimeve.
Gjyqtari Bekteshi vendosi se pezullimi nga detyra do të vazhdojë të jetë në fuqi, deri në një vendim përfundimtar të gjykatës ose ndonjë ndryshim të rrethanave ligjore që do të justifikonte heqjen e masës.
