Ministri Taulant Balla gjatë fjalës së tij në Kuvend u shpreh se eksportet bujqësore janë trefishuar në krahasim me periudhën kur qeveriste Partia Demokratike.
Balla thekson se synojnë 1000 njësi agro-turizëm si dhe kanë shkuar në 300 mijë hektarë që kanë sistem ujitës. Ai nënvizon se qëllimi i Partisë Socialiste është që të plotësojnë nevojat për ujitje të çdo familjeje që jetojnë në zonat rurale.
“Janë trefishuar eksportet bujqësore. Nëse në kohën e PD, importonim 9 kg domate, sot importojmë 3 kg. Në fshatra, janë mbi 1000 projekte, ku janë rreth 300 agro-turizëm. Në kohën tuaj s’kishte agro-turizëm. Ne synojmë 1000 njësi agro-turizëm.
Fshati llafe nuk ka. Ne kemi shkuar në 300 mijë hektarë sot, që kanë sistem vaditës. Duam të mbyllim nevojën e çdo familjeje që jeton në fshat për vaditjen. Transformimin e bujqësisë në vend mund ta bëjë vetëm PS”, tha Balla.
