Në seancën e fundit parlamentare, opozita kërkoi debat lidhur me zjarrin e madh në landfillin e inceneratorit të Elbasanit, ku flakët dogjën një masë të madhe mbetjesh, duke shkaktuar tym toksik dhe rrezik për banorët.
Kërkesën e bëri deputetja Zheni Gjergji, e mbështetur më pas nga Jorida Tabaku, e cila theksoi nevojën që Kuvendi dhe Ministria e Financave të japin përgjegjësi për inceneratorët që nuk funksionojnë, por për të cilët vazhdojnë pagesat me paratë e taksapaguesve.
Tabaku deklaroi: “Hetimi për 430 milionë eurot e inceneratorëve duhet të vazhdojë. Nuk është e pranueshme që asnjë prej tyre të mos funksionojë dhe megjithatë të paguhet nga buxheti.”
Por kryetarja e Kuvendit, Elisa Spiropali, refuzoi kërkesën, duke i kujtuar deputetëve të ndjekin rregulloren dhe të mos përdorin foltoren për “propaganda”.
