Të paktën katër persona kanë humbur jetën dhe dhjetëra të tjerë rezultojnë të zhdukur pas fundosjes së një trageti pranë ishullit indonezian të Balit.
Trageti me 65 persona në bord u mbyt të mërkurën mbrëma gjatë rrugës nga Banyuwangi (Java Lindore) drejt Balit.
Deri më tani janë shpëtuar 31 persona, ndërsa operacionet e kërkimit vazhdojnë.
Sipas raportimeve fillestare, trageti kishte probleme me motorin pak para fundosjes.
Presidenti Prabowo Subianto ka urdhëruar ndërhyrje të menjëhershme emergjente, ndërsa autoritetet kanë nisur hetimet për shkakun e aksidentit.
Rruga detare ku ndodhi ngjarja është një nga më të ngarkuarat në vend, dhe incidenti thekson edhe një herë problemet me sigurinë detare në arkipelagun indonezian.
