Aeroporti i Rinasit ka njoftuar pasagjerët duke i paralajmëruar për vonesa apo anulime fluturimesh për shkak të një greve të punonjësve të Kontrollit të Trafikut Ajror në Francë.
Sipas njoftimit në Francë me 3 dhe 4 korrik janë zhvilluar greva nga Kontrolli i Trafikut Ajror dhe janë anuluar mbi 1000 fluturime.
“Të nderuar pasagjerë të TIA-s, është njoftuar një grevë nga Kontrolli i Trafikut Ajror (ATC) në Francë për datat 3 dhe 4 Korrik 2025, e cila mund të ndikojë në operimet e fluturimeve dhe të shkaktojë vonesa apo anulime të mundshme. Për më shumë informacion, ju lutemi kontrolloni faqen zyrtare të linjës ajrore përkatëse dhe email-in/mesazhet tuaja SMS”, thuhet në njoftim.
