Ditën e shtunë, vendi ynë do të jetë nën ndikimin e kushteve atmosferike të qëndrueshme.
Moti parashikohet të jetë i kthjellët në pjesën më të madhe të territorit, ndërsa përgjatë orëve të mesditës deri ato të pasdites, priten alternime vranësirash të pakta deri mesatare kryesisht në relievet malore të vendit.
Era do të fryjë me drejtim jugperëndim – veriperëndim, me shpejtësi mesatare 4 m/s. Në lugina dhe bregdet, hera-herës era do të fitojë shpejtësi 5-7 m/s.
Valëzimi i detit pritet të jetë 1 – 2 ballë.
Temperaturat e ajrit do të mbeten të larta si në mëngjes edhe në mesditë duke bërë që vlera minimale të regjistrohet në qarkun e Korcës 14°C, ndërsa maksimalja pritet në zonat Jugore dhe zona të izoluara në Qendër të territorit duke arritur një maksimum prej 41°C.
