Balerina e njohur Klaudia Pepa në një intervistë ka folur për jetën profesionale dhe atë personale.
Klaudia Pepa e përlotur ka rrëfyer edhe humbjen e babait të saj dhe amanetin që ai i ka lënë. Balerina ka treguar se babai i saj i ka kërkuar që ajo të bëhet nënë së shpejti.
“Kam ardhur shumë shpesh në Tiranë vitin e shkuar. Edhe pse nuk e besoja që do zgjaste kaq pak. Mjekët kanë qenë të sinqertë, profesional. Kemi kaluar netë të vështira në spital e kemi ngrysur. Beteja e babait zgjati një vit e dy muaj. Ajo që më bënte më shumë të vuaja është se ai kishte besim, nuk tha kurrë ‘mua po më vjen fundi’. Dhe kjo gjë na bënte ne si familje të kishim shpresë. Besuam se do ia dilte. Kjo më bënte të ngushëlluar, që ankohej. Kurrë nuk u shpreh që të na bëhet të ndiheshim keq. Babai kishte shumë qejf filmat shqiptarë, deri në ditën e fundit kemi parë filma në krevat. Pengje nuk kisha. I vetmi amanet që më ka thënë është ‘bëhu nënë sa më shpejt’.”, tha e përlotur balerina.
