Kryeministri në detyrë, Albin Kurti, ka përgëzuar institucionet për reagimin e shpejtë dhe profesional pas alarmit të rremë për bombë në Kuvend, që sipas ministrit në detyrë të Punëve të Brendshme, Xhelal Sveçla, erdhi nga një numër telefoni i regjistruar në Serbi.
Kurti e konsideron këtë ngjarje si një dëshmi të luftës hibride që Serbia po zhvillon ndaj Kosovës.
Ministri Sveçla tha se numri telefonik i kërcënimit i përket një shtetasi serb, Lazar Živković, dhe në disa profile të lidhura me këtë numër është përdorur fotografia e kriminelit të luftës Ratko Mladić.
