Për herë të parë është hapur gara për Drejtor Departamenti të Sigurisë Publike në Policinë e Shtetit. Afati i fundit për aplikantët është deri me 15 korrik.
Për të aplikuar duhet që oficeri i policisë të ketë gradat “Drejtues” dhe “Drejtues i parë”. Kriteri tjetër është që aplikanti duhet të ketë shtetësi shqiptare dhe të mos ketë qenë i dënuar me vendim të formës së prerë.
Gjithashtu duhet që brenda 3 viteve të fundit, të mos ketë masa për shkelje të rënda disiplinore, të jetë në kushte të mira shëndetësore për të kryer detyrën, si dhe të mos ketë konflikt interesi në ushtrimin e detyrës, në përputhje me legjislacionin me konfliktin e interesit.
