Presidenti amerikan Donald Trump ka shprehur ashpër kritikat e tij ndaj presidentit rus Vladimir Putin për vijimin e konfliktit në Ukrainë. Gjatë një takimi me kabinetin qeveritar në Shtëpinë e Bardhë, Trump deklaroi: “Putini na hedh shumë marrëzira,” duke shfaqur zhgënjimin e tij për situatën.
Trump njoftoi gjithashtu se po shqyrton vendosjen e sanksioneve të reja ndaj Moskës dhe paralajmëroi rritjen e prodhimit të armëve, duke theksuar nevojën për të forcuar kontraktorët që t’i prodhojnë më shpejt. Ai bëri me dije se po bisedon me qeveri të huaja, përfshirë Korenë e Jugut, për të shtuar mbështetjen ushtarake, duke theksuar se kjo e fundit duhet të paguajë për mbrojtjen e saj.
Në lidhje me marrëdhëniet tregtare me Bashkimin Europian, Trump njoftoi se tarifat mbi eksportet europiane do të fillojnë të zbatohen më 1 gusht dhe i cilësoi ato si “të ulëta dhe të drejta”. Ai theksoi se do t’u dërgojë brenda dy ditësh një letër zyrtare autoriteteve të BE-së për të komunikuar nivelin e tarifave.
Në të njëjtën kohë, Trump pranoi se Bashkimi Europian po tregon më shumë mirëkuptim në negociatat e fundit me Shtetet e Bashkuara.
Në fund, ai sulmoi ashpër politikën monetare të Rezervës Federale dhe kërkoi dorëheqjen e menjëhershme të kreut të saj, Jerome Powell.
