Pesë orë ka zgjatur seanca në gjykatë e Lipjanit për pesë efektivët e policisë që janë arrestuar për vdekjen e Agon Zenjullahut.
Avokati i njërit prej policëve, Besnik Berisha u shpreh i vetmi argument për caktimin e paraburgimit është acarimi i raporteve mes të dyshuarve dhe familjarëve të Agon Zejnullahut.
“Argumenti i vetëm i Prokurorisë për caktimin e masës se paraburgimit është se familja janë shumë të acaruar dhe në rast të mbrojtjes në liri mund të ketë ndonjë incident tjetër mes familjes dhe policëve.
Ky argument nuk vlen dhe duhet pritur raportin e IML-së për të kuptuar shkaktarët e vdekjes së 27-vjeçarit”, ka thënë ai para mediave.
Gjykata ende nuk ka njoftuar për caktimin e masës së paraburgimit ndaj të dyshuarve.
