Mëngjesin e sotëm situata në fshatin Theth ishte mjaft e tensionuar. Banorë të zonës që kanë ndërtuar bujtina dhe që tani i kap aksioni për t’i larguar u ngritën për të protestuar.
Bllokuan rrugën dhe urën e fshatit për të penguar vijimin e aksionit të IKMT-së për heqjen e disa objekteve të vendosura në tokat e tyre. Policia ndërhyri duke i larguar. Pas disa minutash situata u qetësua, por problemi nuk u zgjidh.
“Mos prekni nënat tona, ndalni aksionin” ishin thirrjet e tyre duke kërkuar ndërhyrjen e shtetit për të ndaluar prishjen e objekteve që, sipas tyre, janë ndërtuar në tokën e tyre dhe pa elementë betoni, vetëm me materiale druri tradicionale.
Ky aksion ka nisur para dy ditësh me qëllim heqjen e objekteve e vendosura në mënyrë të paligjshme, kryesisht ato të përshtatura për bujtina turistike.
Protestë dhe lot në Theth/ Pronarët: Rama na hodhi në rrugë të madhe
