Policia e Tiranës nga finalizimi i operacionit “Crossline” ka arrestuar një 20-vjeçar dhe ka proceduar 7 vajza të huaja. 6 vajza nga Kolumbia dhe 1 nga Panamaja, të moshave 27-35 vjeçe në një apartament me qira ditore, në rrugën “Gjon Muzaka” dyshohet se ushtronin prostitucionin.
Nga hetimet 20-vjeçari me iniciale K.P., bashkëpunonte me një kolumbian për të trafikuar në Shqipëri vajza të huaja për ti shfrytëzuar për prostitucion.
Ndërkohë po vijon për arrestimin e bashkëpunëtorit të 20-vjeçarit të arrestuar dhe për dokumentimin e kësaj veprimtarie kriminale. Ndërsa materialet procedurale iu referuan Prokurorisë së Tiranës, për veprime të mëtejshme.
