Ditën e sotme kryetari i bashkisë së Vlorës, Ermal Dredha ka inspektuar zonën e Lungomares. Atje po zhvillohet aksioni për lirimin e hapësirave publike. Dredha në një deklaratë për mediat u shpreh se është arritur dakordësi me bizneset dhe do të lirojnë hapësirat publike që i kanë zënë.
Ai theksoi se ky aksion do të vazhdojë deri në muajin shtator. Gjithashtu nënvizoi se në shtator do të nisë një projekt madhor, i cili parashikon unifikimin e strukturave të bizneseve përgjatë Lungomares, për të ruajtur standardin urban dhe estetik të zonës.
“Nuk kemi hasur kundërshtime nga administratorët e subjekteve, por mirëkuptim për këtë proces që synon të rikthejë hapësirat publike për qytetarët”, theksoi Dredha.
