Ministri për Evropën dhe Punët e Jashtme, Igli Hasani ka zhvilluar një vizitë zyrtare në Riga. Hasani u prit në takim nga ministrja e Jashtme e Letonisë, Baiba Braze. Gjatë takimit, Hasani falenderoi Letoninë për mbështetjen ndaj Shqipërisë në procesin e integrimit evropian.
“Presim të thellojmë dialogun tonë dypalësh mbi reformat dhe të përfitojmë nga përvoja e Letonisë në fusha si qeverisja digjitale, administrata publike dhe zhvillimi i qëndrueshëm”, tha Hasani.
Ai vizitoi kontingjentin shqiptar të Forcave të Armatosura në Kampin Ādaži.
“Krenar për secilin prej 22 burrave dhe grave që shërbejnë me profesionalizëm dhe përkushtim – të vlerësuar nga partnerët tanë letonezë dhe përfaqësues të angazhimit të palëkundur të Shqipërisë ndaj NATO-s dhe mbrojtjes kolektive,” u shpreh ai.
