Pas urdhrit të kryeministrit Edi Rama, Bashkia Berat ka nisur aksionin për lirimin e hapësirave publike të zaptuara nga bizneset.
Policia Bashkiake, në bashkëpunim me Policinë e Shtetit, ka ndërhyrë në disa lagje të qytetit, ku janë hequr karriget nga trotuaret dhe janë lënë detyra për prishjen e strukturave të ngritura pa leje me dërrasa.
Kontrollet u ushtruan në lagjet “30-Vjetori”, “Mangalem” dhe “10 Korriku”, si dhe përgjatë Pedonales.
Bashkia njofton se operacioni do të vijojë deri në lirimin e plotë të hapësirave publike.
