Kryeministri Edi Rama kishte kritika të forta për kryetarët e të gjitha bashkive që mblodhi sot në Durrës. Sa i takon ndërtimeve në Theth, Rama u shpreh se këto struktura të ndritura pa leje në një zonë të mbrojtur përbën një vepër të rëndë penale.
“Është bërë një pikë qendrore e diskutimeve ajo që ka ndodhur në Theth ku gjatë periudhës së zgjedhjeve ose në muajt para dhe gjatë zgjedhjeve ka pasur një bum ndërtimesh pa leje si rezultat edhe i përgatitjes së sezonit turistik. Jo një, por rreth 40 denoncime. Në një aspekt policia e shtetit ka funksionuar.
Në mes të Thethit, prokurorja me mbiemrin Gjeli ka vendosur mosfillimin e hetimeve. Ka refuzuar të shohë se për çfarë bëhet fjalë dhe ka bërë një ese filozofike për ndërtimet pa leje. Ndërtimi pa leje në një zonë të mbrojtur si Thethi është një vepër më e rëndë. IKMT-ja ka filluar të veprojë, qoftë edhe në territore të tjera”, shprehet Rama.
