Një incident i rëndë është shënuar në Theth, në kuadër të aksionit për prishjen e ndërtimeve pa leje.
Persona ende të paidentifikuar kanë hedhur mjete të ndezshme në drejtim të mjeteve të IKMT-së dhe urës në lagjen “Gjelaj”.
Si pasojë e sulmit me molotov janë shkaktuar dëme materiale të konsiderueshme, ndërsa autorët janë larguar menjëherë nga vendngjarja.
Si pasojë, forcat FNSH janë nisur nga Tirana për të garantuar rendin dhe për të ulur përshkallëzimin e konfliktit.
