Presidenti Donald Trump ka shpallur tarifa prej 30% për produktet evropiane të importuara në SHBA. Kryeministrja italiane, Giorgia Meloni ka reaguar pas këtij vendimi dhe ka theksuar nevojën për dialog të hapur dhe shmangie të përshkallëzimit të mëtejshëm.
“Është jetike të mbetemi të përqendruar në negociatat tregtare me Shtetet e Bashkuara dhe të shmangim polarizimin e mëtejshëm,” thuhet në deklaratën zyrtare të Kryeministrisë italiane.
Sipas Reuters, Meloni shpreh besimin se mund të arrihet një “marrëveshje e drejtë” mes BE-së dhe SHBA-së, që do të përmbushë interesat e të dyja palëve pa nevojën e përshkallëzimit të konfliktit tarifor.
