Një aksident me dy mjete lundruese të tipit Jet Ski ka ndodhur pasditen e sotme në zonën e Golemit, Kavajë, në afërsi të vendit të quajtur “Manhatan”, rreth 800 metra larg bregut.
Drejtuesit e mjeteve, S.D., 25 vjeç, dhe P.B., 31 vjeç, po lundronin së bashku kur ndodhi përplasja. Si pasojë, P.B. u plagos dhe u dërgua menjëherë në spital nga Policia Kufitare, ndërsa ndodhet jashtë rrezikut për jetën.
S.D. është shoqëruar në polici për veprime të mëtejshme.
