Richard Grenell ka reaguar ashpër ndaj fjalëve të Presidentes së Kosovës, Vjosa Osmani, lidhur me pretendimin e Donald Trump-it se “javët e fundit” ka parandaluar një konflikt mes Kosovës dhe Serbisë. Grenell e quajti këtë “manipulim të fjalëve” dhe “absurde”.
Ai theksoi se Trump ka qenë i angazhuar për paqe dhe normalizim ekonomik mes dy vendeve përmes Marrëveshjes së Uashingtonit në vitet 2019-2020, në të cilën Osmani nuk ishte përfshirë.
“Turp për Vjosa Osmanin që manipuloi fjalët e Presidentit Donald Trump,” shkroi Grenell në “X”, duke përmendur edhe nominimin e Trump për Çmimin Nobel për Paqen për këtë punë.
