Në Shkodër është arrestuar E.F., 40 vjeç, i shpallur në kërkim ndërkombëtar nga Interpol Roma për pjesëmarrje në një organizatë kriminale që merrej me trafikimin e narkotikëve.
Policia në bashkëpunim me strukturat e Forcës së Posaçme Operacionale, e kapën dhe vunë në pranga pas marrjes së informacionit operativ.
Kundër tij ishte lëshuar urdhër arresti nga Prokuroria e Riminit në Itali në shkurt të vitit 2025.
Për këtë vepër, ligji italian parashikon deri në 20 vjet burgim.
Pas arrestimit, i dyshuari do të ekstradohet në Itali për t’u përballur me drejtësinë.
