Bashkimi Evropian ka përgatitur tarifa në vlerë 21 miliardë euro ndaj produkteve amerikane, të cilat do të hyjnë në fuqi nëse Shtetet e Bashkuara vendosin tarifat 30% nga 1 gushti, tha Ministri i Jashtëm i Italisë, Antonio Tajani.
Ai theksoi se BE-ja nuk do të qëndrojë duarkryq ndaj veprimeve të njëanshme dhe do të reagojë menjëherë nëse SHBA-ja zbaton këto masa.
Në të njëjtën kohë, Tajani propozon që Banka Qendrore Evropiane të marrë masa për të ndihmuar ekonominë e eurozonës, që po ngadalësohet.
Tensionet tregtare mes BE-së dhe SHBA-së mund të ndikojnë negativisht në ekonominë globale në muajt në vijim.
